БІЛІМ ЖӘНЕ ҒЫЛЫМ САЛАСЫНДАҒЫ БАҚЫЛАУ КОМИТЕТІНІҢ ТӨРАҒАСЫ ҒЫЛЫМИ ЖУРНАЛДАРДЫҢ БАС РЕДАКТОРЫН ҚАБЫЛДАДЫ

2013 жылдың 5 ақпаны күні Қазақстан Республикасы Білім және ғылым министрлігі Білім және ғылым саласындағы бақылау комитетінің төрағасы Серік Әзтайұлы Ырсалиев Л.Н. Гумилев атындағы Еуразия ұлттық университеті Телерадио және қоғаммен байланыс кафедрасының доценті, «Зерттеуші» Республикалық ғылыми-білім беру орталығы ғылыми журналдарының бас редакторы, филология ғылымдарының кандидаты Мырзантай Қожабайұлы Жақыпты қабылдады.

Кездесу кезінде Қазақстанда ғылыми журналдар шығарудың өзекті мәселелері мен болашағы туралы әңгіме болды.

Сонымен бірге ғылыми журналдардың бас редакторы Мырзантай Жақып Қазақстан Республикасы Білім және ғылым министрлігі Білім және ғылым саласындағы бақылау комитетінің төрағасы Серік Ырсалиевты «Ұлттық ғылыми-техникалық ақпарат орталығы» АҚ-ның электрондық кітапханасына қосу және қорларды рәсімдеу үшін Л.Н. Гумилев атындағы Еуразия ұлттық университетінің қолдауымен шығарылып келе жатқан «Зерттеуші» Республикалық ғылыми-білім беру орталығының «Зерттеуші – Исследователь», «Ғылыми зерттеулер әлемі – Мир научных исследований», «Елорда ғылыми хабаршысы – Научный вестник столицы» және «Ғылым және білім ғасыры – Век науки и образования» ғылыми журналдарының электрондық нұсқалары тапсырылғаны, аталған ғылыми басылымдарда жарияланған мақалалар «Журналдар, жинақтар, ақпараттық басылымдар. Жарияланатын материалдарды баспалық рәсімдеу» ГОСТ 7.5-98 сәйкес және «Библиографиялық жазба. Библиографиялық сипат. Құрастырудың жалпы талаптары және ережесі» ГОСТ 7.1-2003 сәйкес библиографиялық тізімдердің негізгі баспа стандарттары бойынша рәсімделгені туралы хабардар етті.

Бұған қоса «Зерттеуші» Республикалық ғылыми-білім беру орталығының журналдары ұлттық және халықаралық ақпараттық ресурстарда таралады. Шетелдік авторлардың жарияланымдары жүйелі түрде жарияланып тұрады, яғни журналдар халықаралық бағытталған, сонымен қатар жарияланатын материалдардың тиісті салалар бойынша журналдардың редакциялық алқасы халықаралық құрамда құрылған. Журналдар уақытылы шығып тұрады: журналдардың тұрақты шығу уақыты сақталалады. Журналдардың шығу мерзімі жылына он екі рет, таралымы 500 данадан кем емес.

Ғылыми журналдардың жарық көру мерзімі – «Ғылыми еңбектің негізгі нәтижелерін жариялау үшін Қазақстан Республикасы Білім және ғылым министрлігі Білім және ғылым саласындағы бақылау комитеті ұсынатын ғылыми басылымдарға енгізу туралы ұсыныс берген кезге дейін 3 жылдан кем емес. Жарияланатын мақалалар журналдардың редакциялық алқасының құрамына кірмейтін және ғылыми зерттеулері мақала тақырыбына жақын тәуелсіз мамандармен рецензияланады.

Ғылыми журналдардың ақпаратты ашық түрде жариялауға арналған Интернетте zertteushi.kz атты электрондық сайты бар. Ғылыми журналдарда мақалалар қазақ және орыс тілдерімен бірге ағылшын, түрік және т.б. шетел тілдерінде жарияланады.

Кездесу соңында Қазақстан Республикасы Білім және ғылым министрлігі Білім және ғылым саласындағы бақылау комитетінің төрағасы Серік Ырсалиев «Зерттеуші» Республикалық ғылыми-білім беру орталығы ғылыми журналдарының 2012 жылғы 10 мамырдағы №591 бұйрықпен бекітілген «Ғылыми еңбектің негізгі нәтижелерін жариялау үшін Қазақстан Республикасы Білім және ғылым министрлігі Білім және ғылым саласындағы бақылау комитеті ұсынатын ғылыми баспаларға қойылатын талаптарға» сәйкес келетініне қанағаттанғандық сезімін білдірді.

Кездесу кезінде Л.Н. Гумилев атындағы Еуразия ұлттық университетінің проректоры Марат Қадырұлы Сырлыбаев та бірге болды.

Жаңалықтар

20.12.2019
Қазақстан Республикасының Ақпарат және қоғамдық даму министрлігінің қолдауымен «Азаматтық бастамаларды қолдау орталығы» коммерциялық емес акционерлік қоғамының мемлекеттік гранты бойынша Елордамыз Нұр-Сұлтан қаласындағы «Зерттеуші» Республикалық ғылыми-білім беру орталығы» жеке меншік мекемесі коммерциялық емес ұйымының бастамасымен «Балалар және білім беру, бос уақыт және мәдени іс-шаралар» тақырыбында 2019 жылы жүзеге асырылған жұмыстардың қорытындысы туралы бейнебаянды назарларыңызға ұсынамыз.
18.12.2019
Елордамыз Нұр-Сұлтан қаласындағы «Зерттеуші» Республикалық ғылыми-білім беру орталығы» жеке меншік мекемесі коммерциялық емес ұйымы Қазақстан Республикасының Тұңғыш Президенті – Елбасымыз Н.Ә. Назарбаевтың 2019 жылды Жастар жылы деп жариялау туралы 2018 жылғы 13 қарашадағы № 784 Жарлығын және Мемлекет басшысы Қасым-Жомарт Тоқаевтың «Bіlіm jáne Ǵylym!» атты тамыз конференциясының пленарлық отырысында сөйлеген сөзінде берілген тапсырмаларды орындау мақсатында Қазақстан Республикасының Ақпарат және қоғамдық даму министрлігінің қолдауымен «Азаматтық бастамаларды қолдау орталығы» коммерциялық емес акционерлік қоғамының мемлекеттік гранты бойынша «Балалар және білім беру, бос уақыт және мәдени іс-шаралар» тақырыбындағы әлеуметтік жобаны жүзеге асырды.
29.11.2019
Қазақстан Республикасының Ақпарат және қоғамдық даму министрлігінің қолдауымен «Азаматтық бастамаларды қолдау орталығы» коммерциялық емес акционерлік қоғамының мемлекеттік гранты бойынша Елордамыз Нұр-Сұлтан қаласындағы «Зерттеуші» Республикалық ғылыми-білім беру орталығы» жеке меншік мекемесі коммерциялық емес ұйымы Түркістан облысындағы Мақтаарал ауданы әкімдігімен және Мақтаарал ауданының Білім бөлімімен бірге «Балалар және білім беру, бос уақыт және мәдени іс-шаралар» тақырыбы бойынша 2019 жылы жүзеге асырылған жұмыстардың қорытындысына арналған іс-шаралар ұйымдастырды.