БІЗДІҢ ҒЫЛЫМИ ЖУРНАЛДАРЫМЫЗҒА ISSN ХАЛЫҚАРАЛЫҚ СТАНДАРТТЫҚ СЕРИЯЛЫҚ НОМЕРЛЕРІ БЕРІЛДІ

Францияның астанасы Париж қаласында орналасқан ISSN Халықаралық орталығы Библиографиялық ақпараттық мәліметтер бөлімінің өкілі Ирина Стрельникова-Naulin (Mrs) ханымнан «Зерттеуші» Республикалық ғылыми-білім беру орталығының ғылыми журналдарына ISSN Халықаралық стандарттық сериялық номерлері берілгені туралы ғылыми журналдардың бас редакторы Мырзантай Қожабайұлы Жақыпқа арнайы хабарлама келді.

Ирина Стрельникова-Naulin (Mrs) ханымның ақпараты бойынша «Зерттеуші» Республикалық ғылыми-білім беру орталығының ғылыми журналдары ISSN Халықаралық орталығында мынадай тәртіппен тіркелген:

- «Зерттеуші – Исследователь» (Zertteušì – Issledovatel’ – The Researcher): ISSN 2307-0153;

- «Ғылыми зерттеулер әлемі – Мир научных исследований» (Ġylymi zertteuler a̋lemì – Mir naučnyh issledovanij – World of scientific research): ISSN 2307-017X;

- «Ғылым және білім ғасыры – Век науки и образования» (Ġylym ža̋ne bìlìm ġasyry – Vek nauki i obrazovaniâ – Science and education century): ISSN 2307-0188;

- «Елорда ғылыми хабаршысы – Научный вестник столицы» (Elorda ġylymi habaršysy – Naučnyj vestnik stolicy – Scientific messenger of the capital): ISSN 2307-020X;

- «Жас ғалымдар жаршысы – Вестник молодых ученых» (Žas ġalymdar žaršysy – Vestnik molodyh učenyh – Messenger of young scientist): ISSN 2307-0250.

ISSN Халықаралық стандарттық сериялық номері (ағыл. International Standard Serial Number) – қайда, қай тілде және қандай тасымалдағышта басылып шыққанына қарамастан, кез-келген мерзімді басылымды теңестіруге мүмкіндік беретін ерекше номер.

Осынау стандарттық сериялық номер әлемнің түкпір-түкпірінде кеңінен қолданылады: ол кітапханашылар, жазылу ұйымдастыратын агенттіктер, ақпарат саласында жұмыс істейтін зерттеушілер мен ғалымдар, жаңалық агенттіктері және т.б. үшін аса қажет.

Сонымен бірге Қазақстан Республикасы Ұлттық мемлекеттік Кітап палатасы «Зерттеуші» Республикалық ғылыми-білім беру орталығының ғылыми журналдарына тиісті штрихкодтар берді.

Жаңалықтар

02.03.2020
«Зерттеуші» Республикалық ғылыми-білім беру орталығы» мекемесі еліміздің жоғары оқу орындары мен колледждерінің студенттері және мектептердің оқушылары арасында олардың шығармашылық жұмыстарын жазу белсенділігін арттыруға және «Журналистика және репортер ісі» білім беру бағдарламалар тобы бойынша кәсіптік бағдар беруге арналған еркін тақырыптар бойынша «ЖУРНАЛИСТ БОЛҒЫМ КЕЛЕДІ» атты шығармалар конкурсын өткізетіні туралы хабарлайды. Шығармаларды кез-келген еркін тақырыпта жазып, жолдауға болады. Конкурс жыл сайын өткізіледі.
28.02.2020
«Педагог мәртебесі туралы» Қазақстан Республикасының 2019 жылғы 27 желтоқсандағы № 293-VІ ҚРЗ Заңының 15-бабының (Педагогтің міндеттері) 1-тармағының 3)-тармақшасы бойынша педагог өзінің кәсіптік шеберлігін, зерттеу, зияткерлік және шығармашылық деңгейін үздіксіз жетілдіруге, оның ішінде біліктілік санаты деңгейін бес жылда бір реттен сиретпей арттыруға (растауға) міндетті.
20.12.2019
Қазақстан Республикасының Ақпарат және қоғамдық даму министрлігінің қолдауымен «Азаматтық бастамаларды қолдау орталығы» коммерциялық емес акционерлік қоғамының мемлекеттік гранты бойынша Елордамыз Нұр-Сұлтан қаласындағы «Зерттеуші» Республикалық ғылыми-білім беру орталығы» жеке меншік мекемесі коммерциялық емес ұйымының бастамасымен «Балалар және білім беру, бос уақыт және мәдени іс-шаралар» тақырыбында 2019 жылы жүзеге асырылған жұмыстардың қорытындысы туралы бейнебаянды назарларыңызға ұсынамыз.