АСТАНА ҚАЛАСЫНДАҒЫ №54 МЕКТЕП-ЛИЦЕЙІНДЕ «СЫҢҒЫРЛА, СОҢҒЫ ҚОҢЫРАУ!» АТТЫ САЛТАНАТТЫ МЕРЕКЕ БОЛЫП ӨТТІ.

Кеше, 2014 жылдың 25 мамыры күні Астана қаласындағы №54 мектеп-лицейінде өткізілген «Сыңғырла, соңғы қоңырау» атты салтанатты мерекеге Л.Н. Гумилев атындағы Еуразия ұлттық университеті Телерадио және қоғаммен байланыс кафедрасыныңдоценті (of Associate Professor), «Зерттеуші» Республикалық ғылыми-білім беру орталығының директоры, ғылыми журналдардың бас редакторы, филология ғылымдарының кандидаты (PhD) Мырзантай Қожабайұлы Жақып қатысып, мектеп бітірушілерді осынау қуанышты күнмен шын жүректен құттықтады және ұстаздар қауымына ата-аналар атынан шексіз ризашылығын білдіріп, алғыс айтты.

Филология ғылымдарының кандидаты (PhD), доцент (of Associate Professor) Мырзантай Қожабайұлы Жақып мектеп бітірушілері мен ата-аналарға арналған өз сөзінде былай деді:

- Аса құрметті №54 мектеп-лицейінің 97 түлегі! Міне, бүгін Сіздер алтын ұя – мектептеріңізді бітіріп, үлкен өмірге түлеп ұшқалы тұрсыздар. Ақиық ақын Мұқағали Мақатаев аталарыңыз айтқандай, білім ұясына «тарыдай болып кіріп, таудай болып шығайын» деп отырсыздар.

Сіздердің алдарыңызда тағы бір үлкен белес күтіп тұр. Ол – ҰБТ сынағы. «Баласы бәйгеге шапса, ата-анасы үйде отырып, тақымын қысады», - дейді халқымыз. Сондықтан да бүгін болып жатқан мектеп бітіру кеші – үлкен мереке күні әрбір ата-ананың, әрбір ұстаздың көңілінде шаттықпен бірге үлкен қобалжу да бар. Өйткені біз барлығымыз Сіздер үлкен сынақтардан сүрінбей өтсе екен деп тілейміз!

Сіздермен бірге біздің сүт кенжеміз Қожабай Әйгерім Мырзантайқызы да мектепті үздік бітірейін деп отыр. Мен өзімнің сүйікті қызыма қандай игі тілектер тілесем, Сіздерге де барлық жақсылықты тілеймін!

Құрметті түлектер!

Енді Сіздер үлкен азамат болдыңыздар.

Мен сенемін жастарға!

Алаш атын аспанға,

Шығарар олар бір таңда!

Мен жастарға сенемін! – деп Мағжан Жұмабаев аталарыңыз айтқандай, біз Сіздерге үлкен сенім артамыз! Қанаттарыңыз талмасын! Жолдарыңыз әрқашан да ашық болсын!

Аса қадірді ұстаздар!

Кезінде ақын Ғафу Қайырбеков:

Ұстаз болу – жүректің батырлығы,

Ұстаз болу – сезімнің ақындығы.

Ұстаз болу – мінездің күн шуағы,

Азбайтұғын адамның алтындығы, - деп жазғанындай, Сіздер барлық сый-құрметке лайықтысыздар! Сіздердің әрқайсыларыңызға жеке-жеке ескерткіш тұрғызып қойсақ та артықтық етпес еді!

Сіздерге – ұлағатты ұстаздар қауымына, мектеп басшылығына біздің балаларымызды он бір жыл оқытып, сапалы білім, саналы тәрбие бергендеріңіз үшін мың да бір алғыс айтамыз!

Бүгін мектеп бітіріп отырған түлектеріңіздің барлығы да ҰБТ-дан өте жоғары нәтиже көрсетіп, мемлекеттік білім гранттарының иегерлері атануына тілектеспіз!

 

Құрметпен,

Мырзантай Қожабайұлы ЖАҚЫП,

Л.Н. Гумилев атындағы Еуразия ұлттық университеті Телерадио және қоғаммен байланыс кафедрасыныңдоценті (of Associate Professor), «Зерттеуші» Республикалық ғылыми-білім беру орталығының директоры, ғылыми журналдардың бас редакторы, филология ғылымдарының кандидаты (PhD).

 

26.05.2014 ж.

 

Кез келген материалды пайдалануға zertteushi.kz Интернет-ресурсына сілтеме жасалғанда ғана рұқсат етіледі.

Жаңалықтар

29.11.2019
Қазақстан Республикасының Ақпарат және қоғамдық даму министрлігінің қолдауымен «Азаматтық бастамаларды қолдау орталығы» коммерциялық емес акционерлік қоғамының мемлекеттік гранты бойынша Елордамыз Нұр-Сұлтан қаласындағы «Зерттеуші» Республикалық ғылыми-білім беру орталығы» жеке меншік мекемесі коммерциялық емес ұйымы Түркістан облысындағы Мақтаарал ауданы әкімдігімен және Мақтаарал ауданының Білім бөлімімен бірге «Балалар және білім беру, бос уақыт және мәдени іс-шаралар» тақырыбы бойынша 2019 жылы жүзеге асырылған жұмыстардың қорытындысына арналған іс-шаралар ұйымдастырды.
27.11.2019
«Мәңгілік ел жастары – индустрияға!» («серпін») жобасымен білім алып жүрген студент-жастар арасында нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған «Еңбек» мемлекеттік бағдарламасы бойынша ақпараттық-түсіндіру жұмыстарын жүргіздік
07.11.2019
Елордамыз Нұр-Сұлтан қаласындағы «Зерттеуші» Республикалық ғылыми-білім беру орталығы» жеке меншік мекемесі еліміздің орта, кәсіптік және техникалық білім беру ұйымдары (мектептер мен колледждер) оқушылары арасында «БАЛА ҚҰҚЫҚТАРЫ» атты тақырыпқа эссе жазу конкурсын өткізетіні туралы хабарлайды.