МЕКТЕП БІТІРУШІЛЕРІМЕН КЕЗДЕСУ ӨТКІЗІЛДІ

2014 жылғы 22-23 қаңтарда Астана қаласындағы Л.Н. Гумилев атындағы Еуразия ұлттық университеті Журналистика және саясаттану факультеті Телерадио және қоғаммен байланыс кафедрасының доценті, филология ғылымдарының кандидаты Мырзантай Қожабайұлы Жақып Мемлекет басшысы Нұрсұлтан Әбішұлы Назарбаевтың 2014 жылғы 17 қаңтардағы «Қазақстан жолы – 2050: Бір мақсат, бір мүдде, бір болашақ» атты Қазақстан халқына Жолдауында айтылған білім беру мәселелеріне арналған тапсырмаларды жүзеге асыруға үлес қосу және мектептер мен колледждерді бітірушілердің болашақ мамандықтарын таңдауына кәсіптік бағыт-бағдар беру мақсатында Оңтүстік Қазақстан облысы, Шымкент қаласындағы №7 Қ. Спатаев атындағы мектеп-лицейінде университетті таныту шараларын өткізіп, мектеп бітірушілерімен, ұстаздар қауымымен және ата-аналар өкілдерімен кездесулер ұйымдастырды.

Кездесуге Шымкент қаласындағы барлық мектептердің 11 сынып оқушылары болып табылатын биылғы жылғы «Алтын белгі» үміткерлері қатысты.

Елбасымыз Нұрсұлтан Әбішұлы Назарбаевтың 2014 жылғы 17 қаңтардағы «Қазақстан жолы – 2050: Бір мақсат, бір мүдде, бір болашақ» атты Қазақстан халқына Жолдауында: барлық дамыған елдердің сапалы бірегей білім беру жүйесі бар екенін айта келіп:

«Ұлттық білім берудің барлық буынының сапасын жақсартуда бізді ауқымды жұмыс күтіп тұр. 2020 жылға қарай Қазақстандағы 3-6 жас аралығындағы балаларды мектепке дейінгі біліммен 100 пайыз қамту жоспарлануда. Сондықтан оларға заманауи бағдарламалар мен оқыту әдістемелерін, білікті мамандар ұсыну маңызды. Орта білім жүйесінде жалпы білім беретін мектептерді Назарбаев зияткерлік мектептеріндегі оқыту деңгейіне жеткізу керек. Мектеп түлектері қазақ, орыс және ағылшын тілдерін білуге тиіс. Оларды оқыту нәтижесі оқушылардың сындарлы ойлау, өзіндік ізденіс пен ақпаратты терең талдау машығын игеру болуға тиіс.

Таяудағы 3 жыл ішінде, 2017 жылға дейін орын жетіспеушілігін жойып, қажетті жерлерде елдегі барлық мектепті екі ауысыммен оқытуға көшіру керек. Үкімет пен әкімдер осы міндетті орындау үшін бюджет қаражатының бөлінуін қарастырғаны жөн. Таяудағы 2-3 жылда дуальдік, техникалық және кәсіптік білім берудің ұлттық жүйесінің негізін қалыптастыру керек. Келешекте жастардың техникалық білім алуын мемлекеттік кепілдендіруге көшіруді қарастыру қажет. Үкіметке 2014 жылғы 1 маусымға дейін осы мәселе бойынша нақты ұсыныстар енгізуді тапсырамын.

Жетекші университеттерді академиялық және басқарушылық автономияға біртіндеп көшіруге жоспарлы түрде кірісу қажет. Үлгерімі жақсы студенттер мен оқушыларды қолдаудың тиімді жүйесін жасау қажет деп санаймын. Үкіметке 2016 жылғы 1 қаңтардан бастап стипендиялар мөлшерінің 25 пайызға өсірілуін қамтамасыз етуді тапсырамын», - деген болатын.

Кездесулер барысында Мырзантай Қожабайұлы Жақып Президентіміздің Жолдауындағы білім беру мәселесіне арналған осындай өзекті мәселелердің жүзеге асырылу барысы туралы айта келіп, Оңтүстік Қазақстан облысы, Шымкент қаласындағы мектептерді, сондай-ақ, №7 Қ. Спатаев атындағы мектеп-лицейін 2014 жылы бітіргелі отырған жастарды және «Алтын белгі» үміткерлерін Астана қаласындағы Л.Н. Гумилев атындағы Еуразия ұлттық университетіне, оның ішінде Журналистика және саясаттану факультетіне түсіп, білім алуға шақырды.

 

25.01.2014 ж.

 

 

Кез келген материалды пайдалануға zertteushi.kz сайтына сілтеме жасалғанда ғана рұқсат етіледі.

Жаңалықтар

07.10.2018
Қазақстан Республикасы Президентінің http://www.akorda.kz/kz ресми сайтында жарияланған Мемлекет басшысы Н.Ә. Назарбаевтың 2018 жылғы 5 қазандағы «Қазақстандықтардың әл-ауқатының өсуі: табыс пен тұрмыс сапасын арттыру» деп аталатын Қазақстан халқына жолдауының «III. Өмір сүруге жайлы орта қалыптастыру» атты бөлімінің Екінші тармағында: «Еліміздің аумақтық дамуына жаңа тәсілдер енгізуді қамтамасыз ету қажет», - деп жазылған.
07.10.2018
В Послании Главы государства Н.А. Назарбаева народу Казахстана от 5 октября 2018 г. «Рост благосостояния казахстанцев: повышение доходов и качества жизни», опубликованном на официальном сайте Президента Республики Казахстан http://www.akorda.kz/ru/, в разделе «III. Создание комфортной среды проживания», написано следующее: «Второе. Нужно обеспечить внедрение новых подходов к территориальному развитию страны».
04.10.2018
Қазақстан Республикасы Президентi Әкімшілігінің Ішкі саясат бөлімінің және Түркістан облыстық әкімдігінің келісімі бойынша 2018 жылдың 28 қыркүйегінде Ақпаратқа жалпыға бірдей қол жеткізудің Халықаралық күніне орай «Зерттеуші» Республикалық ғылыми-білім беру орталығы» мекемесінің бастамасымен Түркістан облысының Мақтаарал және Жетісай аудандарының студент және жұмысшы жастарымен, сондай-ақ жас мемлекеттік қызметшілерімен бірнеше кездесу өткіздік.