МҰҒАЛІМДЕРДІҢ ЖАЛАҚЫСЫ ЖЕТКІЛІКТІ ДӘРЕЖЕДЕ МЕ?

Жақында «ҚазАқпарат» ақпараттық агенттігі «2015 жылдың 1 қаңтарынан жоғары санаттағы мұғалімдер жалақысы 91 мың 494 теңгені құрайды», - деп хабарлады.

«ҚазАқпараттың» ақпаратына сүйенсек, 2015 жылдың 1 қаңтарынан бастап еліміздегі жоғары санатты мұғалімдердің жалақысы 91 мың 494 теңгені құрайтын болады. 2014 жылдың 17 маусымында Қазақстан Республикасы Парламенті Мәжілісінің Әлеуметтік-мәдени даму комитетінің кеңейтілген отырысында Еңбек және халықты әлеуметтік қорғау министрлігінің жауапты хатшысы Аида Құрманғалиева осылай мәлім етті.

Еске сала кетейік, Мемлекет басшысы Н.Ә. Назарбаевтың Жолдауда жүктеген тапсырмасына сәйкес, Еңбек және халықты әлеуметтік қорғау министрлігі азаматтық қызметкерлерге жалақы төлеудің жаңа жүйесін әзірлеген болатын. Осыған орай, жауапты хатшы азаматтық қызметшілерге жалақы төлеудің қолданыстағы жүйесі мен жаңа жүйенің ерекшеліктеріне тоқталып өтті. «Айталық, білім беру саласында жоғары санаттағы мұғалімдердің жалақысы биылғы жылдың 1 қаңтарында үстемеақысыз, негізгі бөлігі 68 мың 664 теңге болды. Ал 1 сәуірдегі 10 пайыздық өсімнен кейін олардың жалақысы 73 мың 761 теңгені құрады. Яғни, бұл жоғары санаттағы мұғалімнің негізгі жалақысы, бұған үстемеақылардың қосылатынын ескеру керек. Ал ұсынылып отырған жаңа жүйеге келсек, келер жылдың 1 қаңтарынан бастап жоғары санаттағы мұғалімнің негізгі жалақысы 91 мың 494 теңгені құрайтын болады. Бұл – негізгі жалақы, оған үстемеақы қосылады», - деді А. Құрманғалиева. Оның айтуынша, жаңа жүйеге сәйкес, мұғалімдер жалақысы 33 пайызға өсетін болады. «Осылайша, Елбасының мұғалімдер жалақысын көтеру туралы тапсырмасы келер жылдан бастап жаңа жүйеге сәйкес жүзеге асатын болады», - деді Жауапты хатшы (http://inform.kz/kaz/article/2669414).

Сонымен бірге «Білім туралы» Қазақстан Республикасының 2007 жылғы 27 шілдедегі №319 Заңының «Педагог қызметкердің мәртебесі» атты 7-тарауының «Педагог қызметкердің құқықтары, міндеттері мен жауапкершілігі» атты 51-бабына сәйкес педагог қызметкердің жеке педагогтік қызметпен шұғылдануға құқығы бар.

Жоғарыда аталған Заңның 37-1-бабы бойынша:

«Жеке педагогтік қызмет:

1. Табыс алумен байланысты жеке педагогтік қызмет кәсіпкерлік қызмет болып табылады. Жеке педагогтік қызметпен айналысатын тұлғаны мемлекеттік тіркеу Қазақстан Республикасының заңнамасына сәйкес жүзеге асырылады.

2. Жеке педагогтік қызмет лицензияланбайды».

 

Кез келген материалды пайдалануға «Зерттеуші» Республикалық ғылыми-білім беру орталығының zertteushi.kz Интернет-ресурсына сілтеме жасалғанда ғана рұқсат етіледі.

Жаңалықтар

16.09.2019
Елордамыз Нұр-Сұлтан қаласындағы «Зерттеуші» Республикалық ғылыми-білім беру орталығы» жеке меншік мекемесі Біріккен Ұлттар Ұйымының Бас Ассамблеясында Бала құқықтары декларациясының қабылданғанына – 60 жыл, Бала құқықтары туралы Конвенцияның қабылданғанына – 30 жыл толуына орай еліміздің ең қиыр оңтүстігіндегі Мырзашөл өңірінің Асықата кентінде (Түркістан облысы) 2019 жылғы 25 қыркүйекте «Қазақстандағы балалар еңбегінің ең нашар түрлерінің алдын алу мәселелері» атты Республикалық конференция өткізуді жоспарлап отыр
13.09.2019
Елордамыз Нұр-Сұлтан қаласындағы «Зерттеуші» Республикалық ғылыми-білім беру орталығы» жеке меншік мекемесі еліміздің мектепке дейінгі ұйымдары (балалар бақшалары), орта білім беру ұйымдары (мектептер), техникалық және кәсіптік білім беру ұйымдары (колледждер) және жоғары және (немесе) жоғары оқу орнынан кейінгі білім беру ұйымдары (университеттер) педагог қызметкерлері арасында мектеп оқушыларына арналған «БАЛА ҚҰҚЫҚТАРЫ» оқу пәні бойынша білім беру бағдарламасын (одан әрі – Білім беру бағдарламасы) әзірлеу конкурсын өткізетіні туралы хабарлайды.
11.09.2019
Елордамыз Нұр-Сұлтан қаласындағы «Зерттеуші» Республикалық ғылыми-білім беру орталығы» жеке меншік мекемесі еліміздің орта, кәсіптік және техникалық білім беру ұйымдары (мектептер мен колледждер) оқушылары арасында «БАЛА ҚҰҚЫҚТАРЫ» атты тақырыпқа эссе жазу конкурсын өткізетіні туралы хабарлайды.