ӘЛЕУМЕТТІК КӘСІПКЕРЛІКТІҢ ДАМУ ҮЛГІСІ

 

Әлеуметтік кәсіпкерліктің дамуына енді «Болашақ» қауымдастығы да өз үлесін қоспақ. Осы мақсатта қолынан іс келетін әрі бизнесін енді ашқан кәсіпкерлердің басын қосқан ұйым өкілдері әлеуметтік кәсіпкерлік турасында келелі ой қозғады. Арнайы Мәскеуден келген маман Салтанат Мұрзалинова жиналғандарға өз ісін қалай бастаудың қыр-сырын түсіндірді. Қазір әлеуметтік кәсіпкерлердің саны артып келеді. Әсіресе шетелде «Болашақ» бағдарламасымен білім алған жастардың дені өз бизнесін бастап, халықты жұмысқа тартуда да белсенділік танытып жүр.

Ал жиынға қатысушы Мырзантай Жақыптың әлеуметтік кәсіпкерлікпен айналысып, педагогтарды қайта оқыту орталығын ашқанына 10 жылдан асыпты. «Әлеуметтік кәсіпкерліктің тамырына қан жүгірту үшін әуелі оның көзін таба білу керек. Содан соң халықты да осыған оқытып, даярлау қажет», - дейді кәсіпкер.

Мырзантай Жақып, конференцияға қатысушы:

- Әлеуметтік кәсіпкерлік деген мәселе сол коммерциялық ұйымдардың өзі кәсіпкерлікпен тікелей айналысып, өзін-өзі қаржыландыруға әрі қамтамасыз етуге арналған. Негізгі мақсаты – осы.

 

Республикалық 24 KZ телеарнасынан 2014 жылдың 22 қазаны күні көрсетілген жоғарыдағы бейнеақпаратты Интернеттегі мына мекен-жай бойынша қайталап көре аласыздар:

http://24.kz/kz/zha-aly-tar/o-am/item/31387-damu-lgisi

 

www.24.kz

Жаңалықтар

02.03.2020
«Зерттеуші» Республикалық ғылыми-білім беру орталығы» мекемесі еліміздің жоғары оқу орындары мен колледждерінің студенттері және мектептердің оқушылары арасында олардың шығармашылық жұмыстарын жазу белсенділігін арттыруға және «Журналистика және репортер ісі» білім беру бағдарламалар тобы бойынша кәсіптік бағдар беруге арналған еркін тақырыптар бойынша «ЖУРНАЛИСТ БОЛҒЫМ КЕЛЕДІ» атты шығармалар конкурсын өткізетіні туралы хабарлайды. Шығармаларды кез-келген еркін тақырыпта жазып, жолдауға болады. Конкурс жыл сайын өткізіледі.
28.02.2020
«Педагог мәртебесі туралы» Қазақстан Республикасының 2019 жылғы 27 желтоқсандағы № 293-VІ ҚРЗ Заңының 15-бабының (Педагогтің міндеттері) 1-тармағының 3)-тармақшасы бойынша педагог өзінің кәсіптік шеберлігін, зерттеу, зияткерлік және шығармашылық деңгейін үздіксіз жетілдіруге, оның ішінде біліктілік санаты деңгейін бес жылда бір реттен сиретпей арттыруға (растауға) міндетті.
20.12.2019
Қазақстан Республикасының Ақпарат және қоғамдық даму министрлігінің қолдауымен «Азаматтық бастамаларды қолдау орталығы» коммерциялық емес акционерлік қоғамының мемлекеттік гранты бойынша Елордамыз Нұр-Сұлтан қаласындағы «Зерттеуші» Республикалық ғылыми-білім беру орталығы» жеке меншік мекемесі коммерциялық емес ұйымының бастамасымен «Балалар және білім беру, бос уақыт және мәдени іс-шаралар» тақырыбында 2019 жылы жүзеге асырылған жұмыстардың қорытындысы туралы бейнебаянды назарларыңызға ұсынамыз.