ҮКІМЕТТІК ЕМЕС ҰЙЫМДАРДЫҢ ЫҚПАЛДЫҒЫН АРТТЫРУ КЕРЕК

Қазақстандағы үкіметтік емес ұйымдардың осы күнге дейінгі атқарған жұмысын бағалайтын кез жетті.

Бұл туралы Астанада өтіп жатқан «Халықаралық ынтымақтастық және ТМД елдеріндегі ҮЕҰ қызметімен тәжірибе алмасу» атты халықаралық конференцияда Қазақстанның Азаматтық альянының президенті Нұрлан Ерімбетов мәлімдеді. Оның айтуынша, ұйымдар көп жағдайда тек салтанатты жиындар өткізумен шектеледі.

«Мемлекеттен қаржылай қолдау жыл өткен сайын жақсарып келеді. Арнайы заң да қабылданды. Тиісінше ҮЕҰ-дың қарапайым халықпен арадағы байланысы ақсап жатыр. Сондықтан осыны ескеру керек», - дейді шараны ұйымдастырушылар.

Конференцияда 5 мемлекеттен келген әріптестер мен жергілікті жетекші ұйым басшылары өзара тәжірибе алмасып, біліктіліктерін шыңдады. Осы саладағы кемшіліктерді бірлесіп шешу жағын қарастырды.

«Ұйымдар бірлесіп еңбек еткенде ғана нәтижеге қол жеткізуге болады», - дейді конференцияға қатысушылар.

Нұрлан Ерімбетов, Қазақстанның Азаматтық альянсының президенті:

- Тек қана шеру өтеді, ол «дөңгелек үстелмен» шектеледі. Қарапайым халықпен кімдер жұмыс істеп жатыр? Отбасын аралау, маскүнем мен мүгедектер ісімен кімдер айналысады? Міне, осы жағын жетілдіруіміз керек.

Мырзантай Жақып, конференцияға қатысушы:

- Жалпы конференциядан түйген ойымыз көп, алда осы бойынша жұмыс істейміз. Ол білім-ғылым саласы, әлеуметтік қызмет көрсету саласында ҮЕҰ атқарып жатқан жұмысы өте көп деп ойлаймын.

 

Республикалық 24 KZ телеарнасынан 2014 жылдың 17 қазаны күні көрсетілген жоғарыдағы бейнеақпаратты Интернеттегі мына мекен-жай бойынша қайталап көре аласыздар:

http://www.24.kz/kz/zha-aly-tar/sayasat/item/30639-arttyru-kerek

www.24.kz

Жаңалықтар

24.08.2019
2019 жылғы 21 тамыз күні Мырзашөл өңірінде орналасқан Түркістан облысының Жетісай ауданындағы Аманкелді атындағы №19 жалпы орта мектебінде Нұр-Сұлтан қаласындағы «Зерттеуші» Республикалық ғылыми-білім беру орталығы» жеке меншік мекемесінің «Балалар құқығы» жазғы мектебі өз жұмысын қорытындылады.
24.08.2019
2019 жылғы 20 тамыз күні еліміздің қиыр оңтүстігінің ең түкпіріндегі Мырзашөл өңірінде орналасқан Түркістан облысындағы Жетісай аудандық Білім бөліміне қарасты «Нұртас Оңдасынов атындағы №14 жалпы орта мектебі» коммуналдық мемлекеттік мекемесінің педагогикалық ұжымымен бірлескен іс-шара өткіздік.
15.08.2019
«Зерттеуші» Республикалық ғылыми-білім беру орталығы» жеке меншік мекемесі Қазақстан Республикасы Ақпарат және қоғамдық даму министрлігінің 2019 жылғы Үкіметтік емес ұйымдарға арналған мемлекеттік гранты аясында Түркістан облысының Мырзашөл өңірінде, яғни Мақтаарал, Жетісай және Шардара аудандарында балалар және жасөспірімдермен өзара іс-қимылды ұйымдастыру кезінде мұражайлардың, кітапханалардың және мәдени-демалыс үлгісіндегі мекемелердің ақпараттық-танымдық, шығармашылық және оқыту қызметін дамыту мақсатында олардың Қазақстан халқының тарихымен, дәстүрлерімен және рухани қазыналарымен танысуына мүмкіндік жасау жөніндегі іс-шаралар жоспарын әзірледі.